Marin Cilic gudogna ils Swiss Indoors

Il croat ha gudagnà la 47avla ediziun dals Swiss Indoors a Basilea. El ha battì en il final il japanais Kei Nishikori en 2 sets cun 6:1 e 7:6. Per Cilic è quai ils 16avel titel dad ATP en sia carriera.

Purtret da Cilic e Nishikori che mussan lur buccals. Bild in Lightbox öffnen.

Legenda da maletgs: Marin Cilic e Kei Nishikori, ils finalists dal Swiss Indoors a Basilea. Keystone

Marin Cilic ha cun questa victoria dumagnà il sprun en ils top diesch da la glista da rangaziun mundiala. Uschia ha el era bunas schanzas da sa qualifitgar per la segund giada per ils finals da l'ATP a Londra.

Kei Nishikori ha pers per la segunda giada suenter 2011 il final a Basilea. Dentant gudagna era el in plaz en la rangaziun mundiala. Davent da glindesdì è el il numer quatter dal mund.

RR novitads 17:00