Mark Streit – medias annunzian la fin da sia carriera

Il hockeyan svizzer Mark Streit terminescha per immediat sia carriera, quai mo paucs mais suenter ses pli grond triumf sportiv. Il zercladur aveva il defensur da 39 onns curunà sia carriera, cun gudagnar cun ils Pittsburgh Penguins la Cuppa Stanley.

Il hockeyan Mark Streit Bild in Lightbox öffnen.

Legenda da maletgs: Mark Streit en il dress dals Pittsburgh Penguins. Keystone

Planisà eri tut auter. Atgnamain avess Mark Streit gugent anc dà ina stagiun en la meglra liga da hockey dal mund, la National Hockey League. Streit aveva suttascrit in contract tar ils Canadiens de Montréal, mo gia suenter dus gieus han ils Canadiens schliau il contract. Era las contractivas per turnar tar ses club d’uffanza il SC Berna, han sco i para fatg naufragi. Quai rapportan divers meds da massa.

Ina gronda carriera

Suenter 820 gieus en la NHL, bunamain 500 en la liga naziunala A e 200 cun l’equipa naziunala va ina da las grondas carrieras svizras da hockey a fin. Proximamain vegn Mark Streit a laschar operar ina spatla a Philadelphia. Il december èsi lura previs ch'el turni cun sia famiglia en Svizra.

RR novitads 18:00