Siglir tar il cuntegn

Header

Mark Streit en il dress dals Philadelphia Flyers.
Legenda: Tut resta sco fin qua. Mark Streit dat er en l’avegnir per Philadelphia. EQ Images
cuntegn

Naziunal/Internaziunal Mark Streit resta in Flyer

En la National Hockey League è ida a fin la perioda da transfers. Giugaders svizzers n’èn betg stads involvids, er betg Mark Streit.

Mark Streit dat er en l’avegnir per ils Philadelphia Flyers. Il defensur bernais è bain vegnì offrì ad autras equipas, l’auta paja dal giugader da 38 onns ha dentant sutterrà l’interess d’engaschar el. Streit gudogna tar ses club 5,25 milliuns dollars per stagiun.

En cumparegliaziun cun ils davos onns hai en general dà pli paucs transfers il davos mument. Las davosas 24 uras da la fanestra da transfers hai dà strusch in tozzel transfers.

Berra sto ir en la AHL

Ina midada hai tuttina anc dà ord vista svizra. Il goli Reto Berra è vegnì tramess da Colorado Avalanche enavos en il farmteam San Antonio Rampage. Tar Colorado dattan il mument en gol Semjon Warlamow e Calvin Pickard.

sda/aw