Anc avant che la stagiun cuntinuescha, l'entschatta favrer, vul il club da ballape da Lucerna preschentar in nov trenader per l'emprima equipa, uschia ils responsabels.
Cun turbulenzas en l'onn 2018
L’FC Lucerna cumenza l’onn nov cun turbulenzas. Suenter che Babbel aveva annunzià avant paucs dis ch’el na veglia betg pli prolungar ses contract cun l’FC Lucerna la stad e suenter ch’el ha crititgà il club en las medias, ha l’FC Lucerna relaschà il trenader per immediat. Era ses assistent sto bandunar il club. E sco pliras medias rapportan sto era il schef da medias dal FCL Max Fischer bandunar l’organisaziun.
Successur pudess esser Urs Firscher
Tgi che daventa successur da Babbel n’è anc betg conuschent. En discussiun saja tranter auter era Urs Fischer, l’anteriur trenader dal FC Basilea.
RR novitads 15:00