Martina Hingis terminescha sia carriera cun ina terrada

En la concurrenza dubla ha il duo Svizzer-Chinais (Martina Hingis e Chan Yung-Jan) pers surprendentamain il mezfinal a Singapur cunter Timea Babos ed Andrea Hlavackova cun 4:6 e 6:7.

Martina Hingis (dre.) e Chan Yung-Jan suenter la terrada en la concurrenza dubla a Singapur. Bild in Lightbox öffnen.

Legenda da maletgs: Martina Hingis (dre.) e Chan Yung-Jan suenter la terrada en la concurrenza dubla a Singapur. Keystone

Cun quella partida è la carriera dad ina da las meglras giugadras da tennis da la Svizra a fin. Quai suenter 23 onns ed in gieu pli baud che spetgà. Martina Hingis aveva communitgà la gievgia che il final da la WTA a Singapur saja ses davos turnier.

L'ultim temp aveva il duo Hingis/Chan gudagnà 19 gieus en seria. Er il duo Babos/Hlavackova avevan ellas battì duas giadas entaifer quests 19 gieus. La victoria en il mezfinal a Singapur fiss stà la 65avla victoria en la concurrenza dubla. Malgrà la terrada terminescha il duo Svizzer l'onn 2017 sco numer in dal mund en la rangaziun.

RR novitads 10:00