Siglir tar il cuntegn

Header

Navigaziun

Matti Nykänen.
Legenda: Matti Nykänen, l'anteriur siglider da skis finlandais è mort en la vegliadetgna da 55 onns. Keystone
cuntegn

Naziunal/Internaziunal Matti Nykänen è mort

Il quadrupel victur olimpic da siglir cun skis, Matti Nykänen è mort en la vegliadetgna da 55 onns. Quai rapporta la revista finlandaisa Seiska. La raschun per la mort na saja anc betg enconuschenta.

Ils onns 80 aveva Nykänen dominà il sport da siglir cun skis. Als gieus olimpics a Calgary il 1988 ha el gudagnà 3 medaglias d'aur ed er a Sarajevo il 1984 ha el gudagnà aur sin la schanza gronda. Ultra da quai ha el gudagnà il classament general da la cuppa mundiala. Fin uss ha be er il Polac Adam Malysz dumagnà quai. Cun sias 46 victorias en la cuppa mundiala tranter il 1981 e 1988 ha el ditg manà la glista dals megliers – fin che l'Austriac Gregor Schlierenzauer ha statgà el il 2013.

RR novitads 12:00