Persequitar las cursas a chasa avant la televisiun ston perencunter Beat Feuz ed er Mauro Caviezel.
I dovra pazienza
Mauro Caviezel era cupitgà en il trenament l’entschatta settember en il Chile e rut in oss dal ventrigl. Malgrà ch’i giaja da di tar di meglier, n’ha il temp betg tanschì per vegnir fit sin las cursas en l’America dal Nord. Cura e nua che Mauro Caviezel po turnar enavos en il circus da skis n’è anc betg cler. Il december vul el dentant puspè turnar enavos sin ils skis.
Mauro Caviezel aveva fatg ina buna figura en las davosas cursas da la davosa stagiun, oravant tut en sia disciplina da parada, il super-G. A Kvitfjell en la Norvegia era il skiunz da 27 onns vegni 12avel ed al final da la cuppa mundiala a Méribel en Frantscha schizunt 5avel, ses meglier resultat da la carriera fin oz.