Legenda:
Gia en ils trenaments aveva Mauro Caviezel in bun sentiment sin il ski, ha el ditg suenter il super-g.
Keystone
cuntegn
Naziunal/Internaziunal - Mauro Caviezel mussa super-prestaziun a Lake Louise
Cun ses terz plaz tar il super-g en il Canada, procura il Grischun per l'emprim plaz da podest d'in skiunz svizzer en questa stagiun da la cuppa mundiala. E per Mauro Caviezel sez èsi pir la segunda giada, ch'el arriva sin il podest en ina cursa da la cuppa mundiala.
Victur dal super-g a Lake Louise daventa sco l'onn passà Kjetil Jansrud. Il Norvegiais da 33 onns è stà 14 tschientavels pli spert che l'Austriac Vincent Kriechmayr.
Beat Feuz terminescha il super-g sco dieschavel. E dus ulteriurs Svizzers arrivan er anc en ils top 20 – Carlo Janka fa plazza 15 e Stefan Rogentin vegn sin plazza 19. Era anc puncts fan Thomas Tumler sco 23avel, Marco Odermatt sco 25avel e Niels Hintermann sco 28avel.
