Pli spert ch’il Grischun è be stà l’Austriac Max Franz. Il terz plaz occupan gist trais atlets: il Talian Dominik Paris ed ils dus Norvegiais Aksel Lund Svindal ed Alexsander Aamodt Kilde. Segund meglier Svizzer è vegnì Beat Feuz sco 19avel. Carlo Janka ed Urs Kryenbühl èn crudads ora. Janka cun manchentar ina porta, Kryenbühl è crudà grev. Dad eventualas blessuras n'è enconuschent anc nagut – en mintga cas ha'l pudì respunder suenter l'accident.
4 cursas, 3 gia sin il podest – quai è Mauro Caviezel
Cun il segund plaz al Super-G ha Mauro Caviezel cuntanschì il podest per la terza giada en seria. Il venderdi è el vegnì segund tar la cursa rapida suenter Beat Feuz, era quella a Beaver Creek – e la dumengia passada terz tar il Super-G da Lake Louise.
audio
Mauro Caviezel en top furma
ord Sportissimo dals 02.12.2018.
laschar ir. Durada: 2 minutas 35 Secundas.
5 sin il podest
- 1. Max Franz (A) — 1:01,91
- 2. Mauro Caviezel (CH) — + 0,33
- 3. Aksel Lund Svindal (N) — + 0,41
- 3. Dominik Paris (I) — + 0,41
- 3. Aleksander Aamodt Kilde (N) — + 0,41
ulteriurs svizzers
- 19. Beat Feuz — + 0,96
- 36. Gilles Roulin — + 1,60
- 42. Marco Odermatt — + 1,80
- 44. Thomas Tumler — + 1,84
- crudà ora: Carlo Janka
- crudà ora: Urs Kryenbühl
- crudà ora: Stefan Rogentin
- crudà ora: Niels Hintermann
RR novitads 21:00