Ron Dennis sto sa retrair sco president dal team da Furmla1, McLaren. La maioritad dals acziunaris ha sfurzà l'anteriur schef dal team da far quest pass.
Quai ha Dennis sez confermà. L'um da 69 onns ha discurrì da «motivs dubius». El aveva cumbattì dapi emnas per ses futur tar McLaren, aveva il davos dentant er fatg naufragi avant dretgira.
Uschia va ina era plain success a fin. Dapi il 1981 ha Dennis cuntanschì cun McLaren 17 titels da champiun mundial; 10 dals pilots e 7 dals constructurs.
