Medaglia da bronz per Rico Peter e ses team

Al campiunadi mundial da bob a quatter ad Innsbruck è il team svizzer vegnì terz.

L'equipa da bob a 4 da Rico Peter gudogna bronz ad Innsbruck. Bild in Lightbox öffnen.

Legenda da maletgs: L'equipa da Rico Peter gudogna bronz ad Innsbruck. Keystone

Il segund di dal campiunadi mundial da bob a quatter ad Innsbruck ha l'equipa da Rico Peter pudì far in pass enavant dal 5avel sin il terz plaz. Quai munta l'emprima medaglia per Peter. Insumma - per la Svizra è quai l'emprim plaz da podest sin in bob grond dapi l'onn 2007.

Per il davos percurs han Rico Peter e ses stumpladers Janne Bror van der Zijde, Thomas Amrhein e Simon Friedli anc ina giada rimnà tut lur energia. La fin èn els glischnads en l'arrivada cun in avantatg da 17 tschientavels sin ils quarts.

Gudagnà ha il team da Oskars Melbardis da la Lettonia avant l'equipa tudestga da Francesco Friedrich.