Siglir tar il cuntegn

Naziunal/Internaziunal Meglier resultat da la carriera

Tar si'emprima partizipaziun ad in eveniment da sport grond ha il Svizzer Ueli Schnider gist fatg ses meglier resultat da la carriera. Dals quatter Svizzers ch'èn sa qualifitgads per ils quartfinals dal sprint classic ha el sco sulet cuntanschì il mezfinal.

Legenda: Guardar il video «CM Falun: Emprimas decisiuns sprint classic». Durada 1:40 minutas.
Or da Telesguard dals 19.02.2015.

En il mezfinal è lura era stà a fin la cursa per Schnider. En l'emprim mez-final è el vegnì quart. Gia crudads ora en il quartfinal èn ils ulteriurs passlunghists svizzers Jovian Hediger, Gianluca Cologna e Laurien van der Graaff.

Campiun mundial dal sprint classic dals umens è il Norvegiais Petter Northug. Segund è il Canadais Alex Harvey e la medaglia da bronz va al Norvegiais Ola Vigen Hattestad.

Tar las dunnas ha la gronda favurita Marit Bjoergen da la Norvegia gudagnà il sprint classic avant la Svedaisa Stina Nilsson e la Norvegiaisa Maiken Caspersen Falla.

RR novitads 17:00