La squadra da sut 17 onns, dal Club da hockey da Tavau è preventivamain en quarantina. Plirs giugaders da la naziunala svizra da hockey dals U17 che han giugà encunter giugaders da la medema vegliadetgna da la Tschechia, èn vegnids testads positiv sin Covid-19.
In da quels dat er tar la squadra U17 dal HCD, sco il club da Tavau scriva sin sia pagina d’internet. En consequenza haja il club da Tavau decis da metter l’entira squadra sco er ils collavuraturs en quarantina.