Naziunal/Internaziunal - Mez-final è staziun finala per Bencic
Belinda Bencic sto far la valisch suenter il mez-final dal turnier da tennis a s’Hertogenbosch en l’Ollanda. La Svizra ha pers la partida cunter la Franzosa Kristina Mladenovic cun 6:2, 3:6 e 4:6.
Bencic n’ha betg nizzegià 15 schanzas da far il break. Per la giuvna da 19 onns èsi stà il comeback suenter ina pausa da blessura da dus mais. L’emna proxima vai vinavant a Brimingham, nua che la Rumena Irina-Camelia Begu (WTA 28) spetga en la prima runda.
