Siglir tar il cuntegn

Naziunal/Internaziunal Mez-final istoric tranter Federer e Wawrinka

Al US Open a New York vegnì tar il mez-final istoric tranter Roger Federer e Stan Wawrinka. Federer n’ha laschà nagina schanza al franzos Richard Gasquet (ATP 12) e battì el en 3 sets cun 6:3, 6:3 e 6:1.

Roger Federer sa legra da sia victoria.
Legenda: Roger Federer suonda Stan Wawrinka en il mez-final a New York. Keystone

Il numer 2 dal mund che n’ha anc stuì dar giu nagin set en il turnier stat uschia per la 10avla giada en il mez-final a Flushing Meadows. Dal 2004 fin il 2008 ha el gudagnà 5 giadas en seria il turnier. Il 2009 è Federer stà l’ultima giada en il final.

Stan Wawrinka en posa da victur.
Legenda: Stan Wawrinka ha battì a moda suverana ses adversari da tema Kevin Anderson. Keystone

Wawrinka batta adversari da tema

Ordavant aveva Stan Wawrinka ha battì a moda suverana il sidafrican Kevin Anderson (ATP 14) en 3 sets cun 6:4, 6:4 e 6:0. Cunquai ha Wawrinka fatg revantscha per ils ultims 4 duels ch’el aveva adina pers.

Il mez-final svizzer è venderdi (notg sin sonda, temp svizzer).

Martina Hingis ha cumplettà la saira perfetga svizra a New York. Ella ha cuntanschì il final en il dubel sco er en il mixed.

RR novitads 06:00