La giugadra da la Svizra orientala ha gudagnà la partida encunter Kristen Flipkens cun 7:6 (10:8), 6:1 e stat cunquai en il mezfinal dal turnier da WTA a Moscau. Cunquai è ella be anc ina victoria davent da la qualificaziun per ils finals da WTA da las otg meglras giugadras da tennis dal mund.
En il mezfinal frunta Bencic la sonda sin Kristina Mladenovic (WTA 45). La Franzosa ha battì Kiki Bertens e stat uschia per la segunda giada quest onn en in mezfinal.
RR novitads 18:00