Siglir tar il cuntegn

Header

Navigaziun

Il giugader da tennis Stan Wawrinka sa stenda per ina balla
Legenda: Suenter 2 uras e 40 minutas èsi stà a fin per Wawrinka. Keystone
cuntegn

Naziunal/Internaziunal Miami: Wawrinka perda cunter il numer 103 dal mund

Stan Wawrinka perda il gieu da partenza al turnier da Miami. Wawrinka ha pers cunter il numer 103 dal mund, il Serb Filip Krajinovic en 3 sets cun 7:5, 2:6 e 6:7.

Uschia na poi a Miami betg pli dar il segund duel svizzer aifer duas emnas tranter Stan Wawrinka e Roger Federer.

Il Serb da 27 onns ha la finala gudagnà meritadamain. El ha gudagnà 113 passadis, Wawrinka be 98 (u 46% da tut ils puncts). Wawrinka avess gì bleras schanzas da manar la partida en in'autra direcziun. En il segund set avess il Romand gì la schanza da far in break al 7:5. El ha dentant fatg memia blers sbagls.

Er Bencic gia out

Belinda Bencinc n'ha betg pudì cuntinuar cun sia seria da victorias. Suenter ch'ella ha gudagnà il turnier a Dubai ed è sa qualifitgada per il mez final ad Indian Wells ha la Svizra pers il gieu da l'emprima runda a Miami. Bencic ha pers cunter Julia Putinzewa en dus sets cun 3:6 e 5:7.

RR novitads 20:00