Siglir tar il cuntegn

Header

cuntegn

Naziunal/Internaziunal Michel Riesen surpiglia ad interim sco trenader da HCD

Il trenader dals juniors d'elita dal Club da hockey da Tavau surpiglia per entant il team dad Arno Del Curto che ha demissiunà. Quai almain per ils proxims gieus.

Michel Riesen vegn assistì dal schef da sport René Müller. A Riesen duai dentant suandar ina schliaziun ad interim fin la fin da la stagiun, ha ditg il president dal club Gaudenz Domenig a l'Agentura da novitads svizra. Riesen ha giugà blers onns per il HCD. El era er vegnì clamà enavos sco trenader da sajettar.

I n'è betg l'idea ch'els surpiglian l'equipa a lunga vista, els gidan uss simplamain or enfin che nus avain ina schliaziun definitiva ad interim.
Autur: Gaudenz Domenig President HCD

Uss remplazza l'um da 39 onns il duo da Remo Gross e Sandro Rizzi. Ils dus assistents dal trenader Arno Del Curto n'han betg pli vulì star a disposiziun suenter il gieu dal quartfinal en la Cuppa svizra.

RR novitads 11:00

Artitgels legids il pli savens