Michel Zeiter banduna ils Lakers

Il trenader Michel Zeiter ha terminà ses engaschament tar ils Rapperswil-Jona Lakers suenter ch’il club dal chantun Son Gagl è vegnì relegà en la liga naziunala B. Zeiter ch’ha 41 onns na stat betg pli a disposiziun als Lakers, uschia rapporta la gasetta “20 minutas”.

Purtret da Michel Zeiter a la banda dals Rapperswil-Jona Lakers. Bild in Lightbox öffnen.

Legenda da maletgs: Nua ch’il viadi da Michel Zeiter cuntinuescha è anc avert. Keystone

Michel Zeiter è stà dapi il december 2013 a la banda dals Rapperswil-Jona Lakers, l’emprim sco trenader assistent dad Anders Eldebrink. Suenter l’emprima terrada en la qualificaziun da liga encunter il campiun da la liga naziunala B, ils SCL Tigers, aveva Zeiter surpiglià dad Eldebrink il post sco schef-trenader. Ch’ils Lakers èn vegnids relegads n’ha dentant er Michel Zeiter betg pudì evitar. Ils Rapperswil-Jona Lakers han pers la seria encunter Langnau cleramain cun 0:4.

RR novitads 11.00