Michelle Gisin sin il podest a Lake Louise

A Lake Louise ha la spezialista da slalom Mikaela Shiffrin gudagnà per l’emprima giada ina cursa rapida da la cuppa mundiala. E cun ses terz plaz procura era Michelle Gisin per ina sensaziun.

Skiunza che giubilescha e tegna en l'aria bastuns e skis Bild in Lightbox öffnen.

Legenda da maletgs: Michelle Gisin: cun il numer 27 sin il podest. Keystone

La tudestga Viktoria Rebensburg è vegnida segunda e cumpletta cun quai il podest da las trais las pli sveltas.

Gisin è tut surprendida

2:13 min, Sportissimo dals 03.12.2017

Emprima plazza da podest en ina cursa rapida

En l’emprima cursa rapida da Lake Louise il venderdi passà aveva Michelle Gisin cuntanschì l’otgavel plaz. La sonda ha ella lura anc ina giada pudì meglierar quest resultat e cuntanscher per l’emprima giada ina plazza da podest en ina cursa rapida.

Ulteriuras Svizras

Ramassà puncts da la cuppa mundiala han era las Svizras Joana Hählen sco 11avla, Lara Gut sco 15avla, Jasmine Flury sco 24avla e Corinne Suter sco 25avla.

Nagina forza electrica

Ils organisaturs han stuì spustar il start da la cursa rapida per 75 minutas. L’entir ressort era senza forza electrica e cun quai era ils lifts. Bullis da pista han transportà las atletas al start.

RR novitads 23:00