La partida tranter Lugano e Zug ha spert purtà tensiun, gia suenter 156 secundas è Zug ì en avantatg tras in gol da powerplay da Gregory Hofmann. Mo 20 secundas pli tard ha Luca Fazzini dentant pudì egualisar per Lugano. En la 16avla minuta ha Dario Simion lura sajettà il 1:2 per ils giasts.
Bain ha Lugano lura fatg bler pressiun, il goli dal EV Zug Leonardo Genoni è dentant sa preschentà en fitg buna furma. Zug ha lura anc fatg il 1:3 tras Calvin Thürkauf en la 47avla minuta. E per dapli ch'il 2:3 tras il nov defensur svedais Tim Heed n'hai lura betg tanschì a Lugano.
En la tabella maina da nov Zug, tuttina blers puncts han dentant era Lugano, Friburg e Losanna. Il HCD è cun ina partida e nagins puncts sin plaz 10.
Ulteriuras partidas da la saira:
- Ambri – Lakers 1:5
- Bienna – Friburg 4:5
- Berna – Losanna 3:4
- ZSC Lions – Genevra 4:5 suenter sajettar penaltis