Siglir tar il cuntegn

Header

cuntegn

Naziunal/Internaziunal Mikaela Shiffrin è la meglra dal super-G

La victoria en l’ultim super-G da la stagiun a Soldeu en l’Andorra, va a la Tudestga Viktoria Rebensburg. La culla pitschna en la disciplina gudogna l’Americana Mikaela Shiffrin.

Davos la sperta dal di, Viktoria Rebensburg, vegnan Tamara Tippler da l'Austria sin plazza dus e Federica Brignone sin plazza trais. Mikaela Shiffrin è ensemen cun l'Austriaca Nicole Schmidhofer vegnida quarta.

Tina Weirather dal Principadi da Liechtenstein è crudada ora suenter buns temps intermediars. Cun ina victoria avess ella, victura dal classament general dal super-G las duas davosas stagiuns, anc pudì surpassar Shiffrin.

Meglra Svizra tar il super-G a Soldeu en l'Andorra, è daventada la Grischuna Jasmine Flury. Ella ha manchentà per 18 tschientavels ses emprim plaz sin il podest. Corinne Suter vegn 10avla, Joana Hählen 12avla e Wendy Holdener sa ranghescha sin plazza 15.

RR novitads 12:00

Artitgels legids il pli savens