Siglir tar il cuntegn

Header

cuntegn

Naziunal/Internaziunal Mikaela Shiffrin gudogna gronda culla da cristal

Cun quai che la cursa a Sotschi è vegnida ditga giu, èsi gia cler, che Mikaela Shiffrin gudogna la gronda culla da cristal. L'Americana ch'accumplescha ils 13 da mars pir 24 onns, ha gia gudagnà las ultimas duas stagiuns il classament general.

Cursa a Sotschi è desditga

Duas maschinas en la naiv.
Legenda: Pervi da naiveras n'èsi betg pussaivel da far la cursa da super-G. Keystone

A Sotschi en la Russia ha lieu la sonda nagina cursa da super-G da las dunnas. La raschun è ch'i naiva actualmain intensiv. La cursa na vegn betg repetida. Il super-G avess gì da remplazzar la cursa rapida ch'è medemamain vegnida stritgada pervi da l'aura. In'ulteriura cursa da super-G è planisada per questa dumengia en il territori da skis Rosa Chutor.

RR novitads 08:00

Artitgels legids il pli savens