Fin da la carriera dal champiun olimpic da skicross Mike Schmid. Pervi da problems culla sanadad ha l’atlet da 31 onns uss decis da terminar sia carriera. Al punct culminant en la carriera da Mike Schmid è senza dubi il titel da campiun olimpic l’onn 2010 a Vancouver en il Canada.
El era l’emprim campiun olimpic en la disciplina skicross. Dapi lura ha il Bernais dentant stuì cumbatter cun blessuras. Adina puspè aveva Schmid problems cun la schanuglia. Quels problems èn era stads responsabels per la fin da sia carriera. Dasper il titel da campiun olimpic ha Schmid era festivà 13 plazza da podest en la coppa mundiala da skicross.
RR novitads 12:00