Siglir tar il cuntegn

Header

Il podest tar las dunnas da la cursa rapida a San Murezzan.
Legenda: Il podest da l'ultima cursa rapida da la stagiun: Da san. Fabienne Suter, Mirjam Puchner, Elena Curtoni. Keystone
cuntegn

Naziunal/Internaziunal Mirjam Puchner cun sia emprima victoria

L'Austriaca Mirjam Puchner ha gudagnà la cursa rapida a San Murezzan. La Svizra Fabienne Suter è sin il segund plaz.

L'Austriaca Mirjam Puchner ha gudagnà a San Murezzan l'emprima cursa da sia carriera. La Svizra Fabienne Suter vegn segunda. Terza è la Taliana Elena Curtoni.

Il podest

  • 1. Mirjam Puchner (Ö), 1:40,39
  • 2. Fabienne Suter (Sz), +0,13
  • 3. Elena Curtoni (It), +0,17

Las ulteriuras Svizras: Corinner Suter suonda sin plazza 8. Lara Gut n'ha gì naginas schanzas e daventa 13avla. Per Fabienne Suter è quai gia stà il 5avel podest da questa stagiun.

Lindsey Vonn cun la culla da la cursa rapida.
Legenda: Ina culla dapli en la collecziun da Lindsey Vonn. Keystone

Culla pitschna per Vonn e nov record

La decisiun dal classament da la cursa rapida è gia crudada avant l'ultima cursa da la stagiun a San Murezzan: Ella va ina giada dapli a Lindsey Vonn dals Stadis Unids ch'è blessada il mument. Vonn ha gudagnà cleramain cun 117 puncts avantatg sin Fabienne Suter e 173 puncts sin la Canadaisa Larisa Yurkiw. Lara Gut è vegnida quarta en il classament final da la cursa rapida da questa stagiun. Lindsey Vonn ha gudagnà la culla pitschna da la cursa rapida quest onn per l'otgavla giada. Tut en tut ha l'Americana rimnà fin uss 20 cullas. Quai è in nov record.

RR novitads 14:00

sda/um