Siglir tar il cuntegn
Inhalt

Naziunal/Internaziunal Mitschà cun la tema

Ils Tudestgs han gudagnà cunter la Svezia en il temp supplementar.

Il giugader da ballape Toni Kroos en acziun.
Legenda: Cun in culp liber en il temp supplementar ha Toni Kroos sajettà il gol da la victoria cunter la Svezia. Keystone

En il segund gieu da gruppa han ils Tudestgs battì la Svezia cun 2:1. Il gol da la victoria ha sajettà Toni Kroos pir en il temp supplementar.

En la tabella da la gruppa F han ils Tudestgs ed ils Svedais omadus 3 puncts. A la testa è il Mexico cun 6 puncts. Ils Mexicans han battì il suentermezdi la Corea dal Sid, medemamain cun 2:1.

A la fin pudessi dar la situaziun che tant ils Mexicans, ils Tudestgs ed ils Svedais han 6 puncts.

Nagina schanza ha pli la Corea dal Sid ch'è senza puncts.

En la gruppa G ha la Belgia gudagnà cunter la Tunesia gist cun 5:2. Romelu Lukaku e Eden Hazard han mintgamai fatg dus gols. L'auter gol ha sajettà Michy Batshuayi. Per la Tunesia datti uss mo pli ina pitschna schanza da sa qualifitgar per la proxima runda. La Belgia dentant è quasi segir vinavant.