Il Croat Luka Modric da Real Madrid è vegnì undrà oz sco meglier giugader da ballape mundial da la stagiun passada. Modric ha gudagnà l'elecziun avant Mohamed Salah da Liverpool e Cristiano Ronaldo da Juventus Turin. Tar las dunnas ha la brasiliana Marta gudagnà gia per la 6avla giada la concurrenza.
Ulteriur da quai è Didier Deschamps vegnì undrà sco meglier trenader da quest onn. El ha tranter auter gudagnà sco trenader cun la Frantscha il campiunadi mundial da questa stad.
Ils resultats uffizials dals FIFA-Awards da quest onn
RR Novitads 22:00