Siglir tar il cuntegn

Naziunal/Internaziunal Montreal senza Bencic

Pervi d'ina ferida da la chanvella sanestra na vegn Belinda Bencic betg ad esser da la partida a Montreal.

Belinda Bencic banduna il plaz a Wimbledon.
Legenda: Belinda Bencic aveva gia stuì capitular pervi da la ferida al turnier a Wibledon la fin da zercladur. Keystone

Ella saja trista da stuair dir giu sia participaziun, ha scrit Bencic en ina comunicaziun. Ella fissia vegnida gugent a Montreal, ma sia chanvella na saja betg anc dal tut guarida.

Avant in onn aveva Belinda Bencic gudagnà il turnier da tennis da Montreal, quai cun victorias cunter il nummer in dal mund Serena Williams en il mezfinal ed encunter il nummer trais dal mund, Simona Halep en il final. Quai è sta fin uss il pli grond success da la giuvna Svizra.

RR novitads 06:00