En la 14avla etappa è Steve Morabito cupitgà gia suenter 5 kilometers ed ha rut l'oss clavigl.
En il toc da Rodez a Mende è Morabito crudà. Ulteriurs ciclists ch'eran era crudads han pudì continuar il tour, entant che Morabito ha stuì ir cun l'ambulanza en l'ospital. Tenor il medi dal team sto Morabito da raschun vegnir operà.
Avant da ceder era Morabito sin plaz 27 en il classament dal Tour de France. El è gia il terz Svizzer che sto ceder al TdF suenter che Fabian Cancellara e Michael Albasini han cedì pervi da blessuras.
RR novitads 17:00