Belinda Bencic ha cuntanschì il final a Moscau ed è sa qualifitgada per ils WTA Masters. Quai sco emprima svizra dapi Martina Hingis il 2006 – i va per il duel da las meglras otg giugadras da l'onn. Bencic ha mussà ina prestaziun fitg concentrada e ferma cunter la Franzosa Kristina Mladenovic, ella ha gudagnà cun 6:3 e 6:4.
Grazia a la qualificaziun per il final surpassà Bencic Serena Williams e Kiki Bertens en il ranking da WTA ed è ussa sin plazza 8. En il final a Moscau frunta ella damaun u sin la Tscheca Karolina Muchova u sin la Russa Anastasia Pawljutschenkowa.
Il final da WTA ha lieu quest onn l'emprima giada a Shenshen en il sid da la China.
RR novitads 14:00