Siglir tar il cuntegn

Naziunal/Internaziunal Moto 2: Tom Lüthi manchenta il podest

Al Grond Premi da San Marino a Mugello ha Tom Lüthi manchentà il podest piz a cup ed è daventà quart.

Tom Lüthi durant il grond premi da San Marino a Mugello.
Legenda: Tom Lüthi durant il grond premi da San Marino a Mugello. Keystone

Dominique Aegerter ha cuntaschì il dieschavel plaz. Gudagnà la cursa da la Moto 2 ha il Franzos Johann Zarco. Per motivs da segirezza ha la cursta stuì vegnir interrutta 2 giadas.

En il classament general è Lüthi uss terz, 16 puncts davos il Brit Sam Lowes. Sin il segund plaz dal classament general è il Spagnol Alex Rins cun dus puncts pli pauc che Lowes.

Lorenzo gudagna la cursa da Moto GP

En la classa gronda ha il Spagnol Jorge Lorenzo gudagnà davant ses cumpatriot Marc Marquez. Il Talian Valentino Rossi è crudà or pervi dad in defect tecnic.

RR novitads 14:00