Al cumenzament dal final da la cuppa mundiala a Snowshoe en ils Stadis Unids ha Nino Schurter gudagnà per l'emprima giada la concurrenza da short track. Grazia a questa victoria èsi uss gia cler, ch'el gudogna per la 7avla giada il classament general.
Il ciclist grischun ha uss tuttina bleras victorias en il classament general sco il Franzos Julien Absalon. Sche Schurter gudogna er la cursa da cross country da dumengia pudess el er là egualisar il record da victorias d'Absalon. I fiss victoria numer 33 per Schurter.
Jolanda Neff sto batter
Auter che tar ils umens croda la decisiun tar las dunna – en il cumbat per il classament general – pir en l'ultima cursa. La differenza tranter Jolanda Nef a la testa e sia concurrenta Kate Courtney – munta a 20 puncts. I pudess vegnir stretg per la Svizra.
Neff è vegnida be 16avla en la cursa da short-track. Dapi ils campiunadis mundials ha ella da sbatter cun problems da sanadad. Uss emprovia ella da sa revegnir uschè bain sco pussaivel enfin a la cursa da Cross-Crountry. Sche quai gartegia en dus dis, na sappia ella er betg, ha ditg Neff.
RR novitads 09:00