Siglir tar il cuntegn

Header

Nino Schurter
Legenda: Er durant ils proxims dus onns vul Nino Schurter festivar pliras victorias. Keystone
cuntegn

Mountainbike Schurter resta fidaivel al sport d'elita

Nino Schurter resta anc per almain dus onns fidaivel al sport d'elita. Il victur olimpic ed otgdubel campiun mundial dal mountainbike ha prolungà ses contract cun la squadra Scott fin il 2022. Entras questa decisiun è cler, ch'il mountainbiker na vul anc betg terminar sia carriera.

El saja tut auter che stanchel, i dettia anc bler da far vegn cità Schurter. Sco finamiras numna el ina quarta medaglia olimpica (suenter aur il 2016, argient il 2012 e bronz il 2008). Plinavant veglia el egalisar il record da 33 victorias en la cuppa mundiala. Il mument ha Schurter 32 victorias.

RTR novitads 16:00