Siglir tar il cuntegn

Header

cuntegn

Naziunal/Internaziunal Munas Dabbur: il rezept spendrant per GC

Per impedir la crudada libra en la super league fa GC vegnir enavos il attatgader Munas Dabbur da Red Bull Salzburg. El duess rinforzar il club da ballape turitgais per il rest da la stagiun.

Dus ballapedists curran cun la balla.
Legenda: Il rezept spendrant per GC: Il attatgader Munas Dabbur duess finir la perioda senza goals da GC. Keystone

GC fa vegnir enavos l'attatgader israelian Munas Dabbur. Il ballapedist da 24 onns ha bandunà ils Grasshoppers la stad passada per 6 milliuns euros en direcziun Austria, tar Red Bull Salzburg.

Dus goals per RB Salzburg, 49 per GC

Dabbur rinforza GC per il rest da la stagiun. A Salzburg n'aveva il attatgader betg bler success. En l'emprim onn en la bundesliga austriaca ha el mo sajettà dus goals. Per GC aveva el tutgà en 92 gieus 49 giadas ed era en la davosa stagiun cun 19 goals champiun da goals da la super league.

E GC po duvrar la fermezza da Dabbur da sajettar goals. Il club ha cumenzà cun duas terradas suenter la pausa d'enviern. Dals ultims 10 gieus da la liga hani gudagnà sulet in ed en ils emprims gieus suenter la pausa d'enviern n'han els fatg nagins goals.

RR novitads 17:00

Artitgels legids il pli savens