Siglir tar il cuntegn

Naziunal/Internaziunal Murray triumfescha a Roma

Andy Murray gudogna il turnier da tennis a Roma. En il final ha il Scot battì il numer 1 dal mund, Novak Djokovic en dus sets cun 6:3 e 6:3. Igl è ses 36avel titel sin la tura d'ATP.

il giugader da tennis Andy Murray
Legenda: Andy Murray ha chattà oz il med per gudagnar cunter «Djoker». Keystone

Gist il di da ses 29avel anniversari ha Murray festivà la dieschavla victoria cunter Djokovic ed ha prendì revanscha per la terrada d'avant in'emna al final da Madrid. Grazia a questa victoria è Murray da nov il numer 2 dal mund e surpassa Roger Federer.

RR novitads 20:00