Quai è il segund meglier resultat da la carriera per la Lucernaisa da 21 onns. Il meglier è stà plazza quatter sur tschintg kilometers classic a la Tour de Ski en la Val Müstair il 2007.
Laurien Van der Graaff è crudada or en il mezfinal e vegn 10avla, victura è la Svedaisa Stina Nilsson. Heidi Weng è gia victura da la culla gronda tar las dunnas, quai trais cursas avant la fin da la cuppa mundiala.
Per ils trais umens svizzers Dario Cologna, Jovian Hediger e Roman Furger è il sprint stà a fin en ils quart-finals. Ina victoria a chasa ha pudì festivar il Canadais Alex Harvey.
RR novitads 06:00