Il Russ Jewgeni Below ha cumbattì cunter il Franzos Maurice Manificat ed ha gudagnà la cursa cun in avantatg da 0,9 secundas. Martin Jonsrud Sundby da la Norvegia cumplettescha il podest.
A la fin ha mancà a mai, sco gia la davos'emna, in pau la forza.
Tar kilometer 8,2 era Cologna anc sin ina plazza da podest. Be 8 secundas era el davos ils pli sperts. Dentant en la segunda mesadad da la cursa ha el pers bler temp. Sulet sin ils davos 1,8 kilometer è el crudà da plaz 11 sin il plaz 15. Uschia sto il Jauer vinavant spetgar sin sia emprima victoria a Tavau.
Cuntent dastga però esser Beda Klee esser. Il Svizzer da 22 onns ha sco 27avel gudagnà ses emprims puncts en la cuppa mundiala. In punct hai er dà per Jason Rüesch sco 30avel. Toni Livers è vegnì 34avel e Jonas Baumann 54avel.
RR novitads 14:00