Siglir tar il cuntegn
cuntegn

Naziunal/Internaziunal Nagin plaz da podest per la staffetta da biatlon

La staffetta da biatlon da la Svizra ha cuntanschì tar la cursa da 4 x 6 kilometer a Hochfilzen il plaz 12.

Elisa Gasparin.
Legenda: Elisa Gasparin. Keystone

La davosa curridra da la staffetta Susanna Meinen ha stuì rechargiar duas giadas ed è uschia crudada dal plaz 2 sin plaz 6. La Bernaisa ha silsuenter anc obtegnì trais rundas da chastì. Il siemi d'in podest era uschia a fin. La fin finala han ellas cuntanschì il plaz 12.

L'italia gudogna avant la Svezia

Gudagnà ha l'Italia avant la Svezia (+8,4) e la Frantscha (+11,8). Era la staffetta da la Germania n'ha betg persvadì. In grond dischavantatg era segir era che Franziska Preuss ha baud obtegnì ina runda da chastì.

RR novitads 15:00