Siglir tar il cuntegn
cuntegn

Naziunal/Internaziunal Nagin podest per Cologna al Tour de Ski 2019

dario cologna
Legenda: Dario Cologna sto laschar ir la concurrenza. Keystone

En la segund davosa etappa dal Tour de Ski en la Val di Fiemme sur 15 km classic è Dario Cologna daventà 24avel. Ditg era il Grischun part da la gruppa a la testa da la cursa. Suenter ina crudada è el però crudà enavos.

En il classament general è il Grischun avant l'ultima etappa da damaun sin plazza 12 quai cun 4 minutas retard sin il leader norvegiais Johannes Klaebo. Lez ha gudagnà l’etappa da la sonda avant il Talian Francesco De Fabiani ed il Russ Alexander Bloschunow.

Tar las dunnas è von Siebenthal meglra Svizra sco 20avla

La Norvegiaisa Ingvild Flügstad Östberg ha gudagnà la cursa da 10 km stil classic en la Val di Fiemme. Las 2 Russas Natalia Neprjajewa ed Anastasia Sedowa cumpletteschan il podest. Meglra Svizra è vegnida Nathalie von Siebenthal sco 20avla.

RR novitads 17:00