Siglir tar il cuntegn

Header

Navigaziun

Legenda: Guardar il video Nagin success per la Svizra en il sprint a Tavau. Durada 01:28 minutas.
Or da Actualitad video dals 15.12.2018.
cuntegn

Naziunal/Internaziunal Nagin succes per ils Svizzers en il sprint a Tavau

Per Roman Schaad, Jovian Hediger e Roman Furger è la cursa stada a fin suenter il quartfinal. Tar las dunnas avess Nadine Fähndrich anc gì schanzas, ma ella croda or en il mezfinal.

Ils trais umens ch'eran sa qualifitgads per ils quartfinals a Tavau èn tuts crudads or. Sco emprim è Roman Schaad stà londervì. El è dentant vegnì 5avel en sia gruppa. Sco segund èn lura las schanzas stadas a fin per Jovian Hediger ch'è vegnì be quart. Er il terz um en la runda n'ha gì naginas schanzas. El è perfin crudà or, e quai curt suenter il start.

Nadine Fähndrich sin plazza 7

La meglra figura ord vista svizra ha fatg Nadine Fähndrich. Ella è la suletta ch'ha pudì sa qulifitgar per ils mezfinals. La finala è la curridra da 23 onns vgnida 7avla ed ha uschia er dumagnà ils criteris da selecziun per il campiunadi mundial da ski nordic la fin favrer a Seefeld. Per la matadora locala, Laurien Van der Graf è il sprint stà a fin en il quartfinal.

Premiera dumagnada per Wieser

Per Fabiana Wieser èsi stà la premiera en la cuppa mundiala tar las cursas a Tavau. Ad ella han mancà radund 10 fin 11 secundas sin las meglras, la finala è ella vegnida 62avla. Per ella en tuttacas in eveniment. Pudair concurrenzar l'emprima giada cun l'elita mundiala è stà per ella in sentiment grondius.

Dumengia fa Wieser er la cursa da da 10 kilometers a Tavau.

Resultat dal final da dunnas

  • 1. Stina Nilsson
  • 2. Sophie Caldwell
  • 3. Maja Dahlqvist
  • 4. Natalia Nepryaeva
  • 5. Katja Visnar
  • 6. Krista Parmakoski

Resultat dal final dals umens

  • 1. Johannes Hoesflot Klaebo
  • 2. Federico Pellegrino
  • 3. Baptiste Gros
  • 4. Lucas Chanavat
  • 5. Eirik Bransdal
  • 6. Gleb Retivykh

Program Tavau Nordic 2018

Dumengia, ils 16 da december:

09:30 uras – cursa da 10 km dunnas (stil liber)

11:30 uras – cursa da 15 km umens (stil liber)

RR Sportissimo 17:00