Siglir tar il cuntegn

Header

Navigaziun

La giugadra da tennis svizra Viktorija Golubic.
Legenda: Viktorija Golubic lamenta durant la partida cunter Sloane Stephens. Keystone
cuntegn

Naziunal/Internaziunal Nagin success en il Fed Cup

La squadra svizra dal Fed Cup perda cunter las Americanas. Uschia manchentan Timea Bacsinszky e Viktorija Golubic da manar la Svizra direct puspè en la gruppa mundiala I.

A San Antonio ha Viktorija Golubic pers la dumengia saira l'emprim cun 3:6 e 2:6 cunter Sloane Stephens. Silsuenter perda era Timea Bacsinszky, quai cun 3:6 e 6:7 cunter Sofia Kenin. Uschia gudognan las Americanas la finala cun 3:1 cunter las Svizras.

Ina speranza resta

La terrada n’è dentant forsa betg uschè pitra per la squadra svizra dal Fed Cup. La Federaziun internaziunala dal tennis ITF prevesa numnadamain da refurmar l’occurrenza. En in mais duain las federaziuns commembras vuschar, sch’ellas van d’accord d’augmentar il dumber da squadras en la gruppa mundiala sin 16. Lura fiss era la Svizra il 2020 puspè tranter las meglras squadras dal mund.

RR novitads 06:00