Siglir tar il cuntegn

Header

Video
Caviezel: «Rucla munta bler a mai»
Or da Sport-Clip dals 08.03.2020.
laschar ir
cuntegn

Nagin super-G Culla da cristal pitschna per Mauro Caviezel

Damai ch'il super-G a Kvitfjel ha stuì vegnir ditg giu pervi da la mal'aura, ha il skinunz grischun gudagnà il classament general en questa disciplina, quai cun trais puncts avantatg sin l'Austriac Vincent Kriechmayr e 29 sin il Norvegiais Aleksander Aamodt Kilde.

Bain spetga Mauro Caviezel anc adina sin sia emprima victoria en la cuppa mundiala ma en il super-G è el stà questa stagiun il pli constant cun duas segundas ed ina terza plazza ed el n'è maina stà classà mender che sin posiziun 5.

Video
Rucla ed imni per Caviezel
Or da Sport-Clip dals 08.03.2020.
laschar ir

Mal'aura impedescha cursa

Sonda han ins pudì organisar la cursa a val e quai tar fitg bell'aura. En il decurs da la fin d'emna è l'aura lura sa pegiurada ura per ura. Dumengia a las 10 uras ha la giuria lura decidì da dir giu la cursa.

RTR novitads 11:00