L'equipa naziunala svizra gudogna il gieu da la Nations Leage cunter l'Ucraina forfait 3:0. Quai ha decidì la Uefa. En ils egls da l'Uniun da las Associaziuns europeicas da ballape è l'Ucraina responsabla ch'il gieu n'ha betg pudì vegnir dà a Lucerna pervi da plirs cas da corona.
Grazia a la victoria a la «maisa verda» na vegn la Svizra betg relegada en la gruppa B da la Nations League. Svizra ed Ucraina han tuttina blers puncts, la Svizra è però en avantatg pervi dals gieus directs. La squadra da Vladimir Petković po pia vinavant restar en la meglra liga gruppa da la Nations League.
L'Ucraina ha dentant la pussaivladad da trar vinavant la decisiun. Lura decida il Tribunal internaziunal da sport CAS davart il gieu.