Siglir tar il cuntegn
Inhalt

Naziunal/Internaziunal Nagina ulteriura medaglia per ils juniors svizzers

Il segund davos di dal campiunadi mundial dals juniors a Tavau han ils skiunzs svizzers manchentà in’ulteriura medaglia. Semyel Bissig vegn 5avel en il slalom.

Il skiunz Semyel Bissig.
Legenda: Semyel Bissig durant ina da las cursas da la cumbinaziun la dumengia. Keystone

Bissig n’ha betg pudì profitar da sia buna posiziun suenter l’emprim percurs, e croda enavos da plaz 3 sin plaz 5. Il giuven da 19 onns da la Sutsilvania ha pers 43 tschientavels sin plaz 3. Uschia ha el manchentà in’ulteriura medaglia, suenter argient en la cumbinaziun ed aur cun il team.

Arnaud Boisset sco 12avel e Maurus Sparr sco 13avel na sa classeschan betg en ils top ten, Matthias Iten è crudà ora en l’emprim percurs. Campiun mundial è daventà il Franzos Clément Noël, ch’era sa rangà il schaner en la cuppa mundiala a Wengen sco 6avel ed a Schladming sco 8avel. Noël ha distanzià il segund il Talian Alex Vinatzer, per 2,77 secundas.

RR novitads 18:00