Naziunal/Internaziunal - Nagins donns restants per Aegerter
Cletg en il discletg per Dominique Aegerter. Il töffist svizzer ch'è crudà dumengia al Grond Premi da la Spagna grevamain, na sto betg quintar cun donns restants.
Sco quai che ses manager communitgescha, hajan ils medis dal center paraplegic a Nottwil constatà che la spina dorsala dad Aegerter na saja betg vegnida donnegiada.
Las fracturas ch'el ha gì duessan guarir senza operaziun. Aegerter vegn ad entschaiver ina reabilitaziun intensiva a Bogn Ragaz.
