Siglir tar il cuntegn

Header

Perttu Lindgren en in gieu dal HCD cunter Bienna
Legenda: Perttu Lindgren (sanester) porta a partir dad immediat il dress mellen dal EHC Bienna. Keystone
cuntegn

National League HCD e Bienna barattan giugaders

Il Club da hockey da Tavau ed il EHC Bienna barattan giugaders. Mintgamai dus giugaders fan il viadi da Tavau a Bienna e cuntrari.

Valentin Nussbaumer e David Ullström bandunan l’EHC Bienna e midan per immediat tar Tavau. L’attatgader Nussbaumer ha suttascrit in contract da dus onns tar il HCD, ed Ullström resta fin la fin da la stagiun tar ils Grischuns.
Luca Hischier e Perttu Lindgren da lur vart bandunan Tavau vers Bienna.
Hischier survegn là in contract fin il 2024 e Lindgren resta fin la fin da questa stagiun.

Cunzunt la midada da Lindgren dat en egl. Il Finlandais è stà ils ultims onns ins dals megliers giugaders sin il glatsch svizzer. Il 2015 era Lindgren vegnì cun Tavau campiun svizzer, in onn pli tard era el vegnì elegì sco meglier giugader da la National League. Questa stagiun n'è Lindgren dentant mai vegnì sin turas.

Or dal Sportflash da SRF ils 6 da schaner:

video
Lindgren betg pli en il cader dal HCD
Or da sportflash dals 06.01.2021.
laschar ir

RTR Novitads 20:00

Artitgels legids il pli savens

Scrollar a sanestra Scrollar a dretga