Il Club da Hockey da Tavau va da victoria a victoria. Ils Grischuns han gudagnà cun 4:3 cunter ils Rapperswil-Jona Lakers. Ils Svizzers han fatg gols per il HCD.
Ils Svizzers tar il HCD han tutgà
Il defensur Sven Jung ha purtà en avantatg ils da Tavau. Benjamin Baumgartner ha lura auzà l'avantatg cun ses 20avel gol sin 2:0. Luca Hischier ha rimnà gia trais puncts da scorer en ses emprim gieu suenter la pausa pervi d'ina blessura ed ha procurà per il 3:1. Marc Aeschlimann ha lura fatg segir la victoria en la 34avla minuta cun il 4:1.
Lakers perdan terz gieu en roda
Ils Rapperswil-Jona Lakers han dà or da maun il gieu gia en l'emprim terz. Ils giastaders han controllà il gieu tar il cumenzament, ma els n'han betg nizzegià las schanzas. Cedric Hüsler ha manchentà il gol avert e pli tard han Nico Dünner ed il topskorer Dominik Egli manchentà la schanza per gulivar al 1:1. Pir en l'ultima fasa e pir 40 secundas avant la fin han ils Lakers anc dumagnà da vegnir pli datiers, fin sin il 3:4. Ma ad els n'èsi betg pli gartegià da volver il gieu.
Trenader è il mument scrit malsaun
Ils Lakers han l'emprima giada en questa stagiun pers trais gieus en roda. Sut il trenader assistent Niklas Gällstedt – il trenader Jeff Tomlinson è absent pervi d'ina operaziun dals gnirunchels – han els pers trais da quatter gieus. Sonda fruntan els sin ils SCL Tigers. Suenter la pausa da l'equipa naziunala duess Tomlinson lura puspè turnar a la banda.
Ulteriurs resultats:
- Bienna – Ambri 2:3
- Genevra – Lugano 4:0
- Losanna – Berna 5:0
- Zug – Friburg 0:4
Hockey tabella liga naziunala A
gieus | gols | puncts | ||
1. | Zug | 49 | 146:120 | 90 |
2. | ZSC Lions | 49 | 162:123 | 88 |
3. | Tavau | 49 | 154:139 | 86 |
4. | Genevra | 49 | 134:115 | 86 |
5. | Bienna | 49 | 149:140 | 78 |
6. | Friburg | 49 | 121:130 | 73 |
7. | Losanna | 49 | 133:129 | 72 |
8. | Lugano | 49 | 124:135 | 69 |
9. | Berna | 49 | 129:139 | 68 |
10. | Ambri | 49 | 116:135 | 60 |
11. | SCL Tigers | 49 | 113:146 | 60 |
12. | Lakers | 49 | 126:156 | 52 |
RR novitads 23:00