Siglir tar il cuntegn

Header

cuntegn

National League Lindgren betg pli en l'emprima equipa dal HCD

Il giugader da hockey Perttu Lindgren.
Legenda: 11 puncts da score en 20 partidas Perttu Lindgren n'è betg vegnì sco usità sin turas questa stagiun. Freshfocus

Perttu Lindgren na vegn betg pli a giugar per il club da hockey da Tavau. Il HCD ed l'attatgader finlandais èn sa cunvegnids da schliar il contract per immediat – quel avess durà fin la fin da la stagiun. La raschun sajan la prestaziun insuffizienta sportiva da Lindgren, sco il club communitgescha.

Il giugader da 33 onns ha cumenzà ses engaschi tar il HCD l'onn 2013. La stagiun 2015/16 è Lindgren vegnì elegì sco il pli prezius giugader da la liga. E las duas davosas stagiuns cun il trenader Christian Wohlwend è il Finlandais mintgamai stà il meglier sajettagols da Tavau.

Il schef da sport dal HCD Raeto Raffainer ha declerà envers RTR – ch'els hajan tschertgà schliaziuns ensemen cun Perttu Lindgren:

audio
Raeto Raffainer davart la separaziun da Lindgren
00:21 min, RTR Audio dals 06.01.2021.
laschar ir. Durada: 00:21 minutas.

RTR actualitad 17:00

Artitgels legids il pli savens

Scrollar a sanestra Scrollar a dretga