Siglir tar il cuntegn

Header

video
In um cun bler engaschi: Chris McSorley
Or da Sport-Clip dals 24.07.2020.
laschar ir
cuntegn

National League McSorley perda post sco directur da sport tar Genevra

Chris McSorley banduna la fin da fanadur il post da directur da sport dal club da hockey Genevra-Servette. Tenor il club duai el survegnir ina nov’incumbensa. Il Canadais da 58 onns ha in contract che vala anc plirs onns.

Successur da McSorley daventa a partir dal 1. d'avust l'anteriur giugader Marc Gautschi. Quel è stà trenader assistent U17 da Genevra, ed appartegn a la cumissiun sportiva.

Lung il «mister» Genevra-Servette

Chris McSorley è stà ils davos 19 onns la fatscha da Genevra-Servette. Dal 2001 fin 2017 e la stagiun 2018/19 è il Canadais stà trenader ed en il medem mument directur da sport.

Duas giadas ha el cuntanschì il final dals playoffs cun Genevra (2008 e 2010). E cun il club ha el gudagnà duas giadas sco trenader la Cuppa Spengler (2013 e 2014).

RTR novitads 11:00