Siglir tar il cuntegn

Header

video
Tavau po tuttina anc gudagnar encunter Ambri
Or da Sport-Clip dals 28.12.2020.
laschar ir
cuntegn

National League Revantscha gartegiada – il HCD batta Ambri 3:1

Duas giadas ha il club da hockey da Tavau pers durant questa stagiun encunter Ambri. Uss gartegia al HCD da gudagnar la terza partida encunter l’equipa da la Leventina.

Suenter la sconfitta encunter Lugano vuleva il HCD mussar ina reacziun, e quai è grategià a l’equipa grischuna. Davent da l’entschatta ha il HCD fatg squitsch sin il gol dad Ambri. Uschia manava l’equipa indigena al principi dal segund terz gia cun 3:0.

Tavau ha lura laschà suenter in zichel ed Ambri è sta bun da scursanir la partida, per dapli n'hai dentant betg pli bastà. Tavau è stà massa ferm, ed ha giugà memia disciplinà.

Pass sin plazza 7 da la tabella

Grazia a la victoria encunter Ambri ha il HCD pudì far il pass sin plazza 7. L’equipa grischuna s'etablescha uschia en il champ d’amez da la tabella. La victoria encunter Ambri è stada impurtanta. En l’emna tranter Nadal e Silvester dat il HCD gist trais partidas da campiunadi, enstagl da la Cuppa Spengler.

Cun la victoria encunter Ambri po Tavau uss ir cun dapli fiduzia en la partida da mesemna proxima. Lura spetga il leader, il EV Zug sin il HCD.

Ils resultats da las ulteriuras partidas:

  • Zug – SCL Tigers 5:1
  • Lakers – Lugano 5:2

RTR novitads 23:00

Artitgels legids il pli savens

Scrollar a sanestra Scrollar a dretga